زي النهارده أنا قلبي حبك.............#حازم قطب#
زي النهارده أنا قلبي حبك
شاف جمالك ..داب وراحلك
أنت ليه سيبتيه يحبك
سيبتي ليه قلبي يروح لك
وانا قلبي لما حبك
جه في يوم بالحب باحلك
روحتي فاتحاله الببان
راح معاكِ ف دنيا تانيه
دنيا م الشوق والحنان
داب وحبك كل ثانيه
حس وياكِ بأمان
أتاريكِ طلعتي خاينه
نسيت الحب اللي كان
طلعتي زي الدنيا فانيه
تسقينا من الكاس الهوان
نشربه ونضيع ف ثانيه
وأنتِ فاكره قلبي لعبة
كنتِ ناويه تجرحيه
بس قلبي قصة صعبه
مين ده يقدر عليه
وحبي ده حكايةِ حلوة
ياما حلوين دابو فيه
قصته موال وغنوة
دوري وأنتِ تلاقيه
كنتِ فاكره قلبي لعبة
يعني ممكن تكسريه
ده اللي يقطف وردة حلوة
الشوك يجرح إيديه
وزي النهارده قلبي حبك
شاف جمالك ..داب وراحلك
بس لو يعرف خيانتك
قلبي عمره ما كان يروحلك
#حازم قطب#
تعليقات
إرسال تعليق