بيومي أفندي ***********كلمات بسبوني صديق
بيومي أفندي
***********
بيومي أفندي
مسك ساعته بتاعة زمان
فاكر نفسه زي زمان
بص في ساعته شافها
لا بتقدم ولا بتأخر
والدنيا حالها اتشقلب
والساعة شكلها اتغير
وكل حاجة بقيت بتحير
ايه اللي جري فيك يازمان
بيومي افندي
لسه محتفظ بساعته
مدوره مربوطه في رقبته
او معلقها في جيب السيديري
يقعد في القاعده يتمنظر بيها
ولا اكبر واحد م البهوات
كل شويه يطلعها ويدخلها
فاكر نفسه زي زمان
ياعم بيومي افندي
خلاص احنا بقينا
في زمن المحمول
زمن السرعة
زمن مفيش فيه بركه
زمن خلي البني ادم مشلول
ولا الفيس
غير حال من حال
خلع رئيس وحط رئيس
خلي كل شئ مبقاش محال
ايه رائيك بقي
ياعم بيومي افندي
تنفع ساعتك دلوقتي
بوس الساعة
وحطها مكانها
وخليها للذكري
يمكن تحتاجها
والدنيا يتعدل حالها
وترجع الساعة زي زمان
بيومي افندي
سمع الكلام وقال
ياريتك مت يابيومي
قبل ماتشوف هذا الحال
*****************************
كلمات بسبوني صديق
تعليقات
إرسال تعليق