ثورات ثورات ثورات بقلم ..غادة عباس وحش

ثورات ثورات ثورات

نعرات نعرات نعرات 

كل العالم ثورات نعرات

بتغير وجه العالم فى لحظات

ده احنا زمان كنا فى حالنا

كانوا ولادنا دول راس مالنا

لا نعرف فيس ياناس اوشات

كنا نصبح من الشباك

وصوت قنديل فى الراديو هناك

كلمة فى غنوة بطعم معاك

دلوقتى خلاص بالاموشن

ماتعرف دمعة من ابتسامات

اه بيفيدنا وبينقل لينا الخبرات

بس زيادته بتبعدنا وبتدينا الاختيارات

وهوسيادته عامل سيدنا وقاعد يفصل فى حاجات

كنا نسميها شخصية بس الفيس بقى من العائلات

ايه راح يجرى لويوم مرة نجرب نحكى فى ضى القمرا 

ع النيل والبحر بالذات

ونسال على بعض وندور قرص التليفون 

ونفرح مع بعض بالمولود ونحضر سوى دق الهون

نرجع تانى عزاز على بعض 

ونرجع نقرب من بعض

علشان نتصالح مع بعض

ومانحناجش الثورات

يرجع تانى لينا كبير 

نعرف فى احنا والغير

لجل نعدل خط السير

ونرجع نحترم الاشارات

ويبقى طريقنا حلم كبير 

يطول يقصر اخره اتخطط له كتير

مفيهوش قلق والامؤامرات