ماكنت معاك .....! بقلم ------- عادل على
ماكنت معاك .....!
وكنت بادوب كتير فى هواك
وفرحه قلبى لما ألقاك
تكون متهنى وانا وياك
ودلوقتي .. بحاول أنساك
ماكنت معاك ......!
سؤال جوايا وشاغلنى ...؟
كنت زمان مطمنى
بكل حنان بتسعدنى
بأحلى كلام بتوعدنى
ليه بحبك بتخدعنى
ليه قلبك بيبعدنى ... !
سؤال جوايا وشاغلنى .... ؟
محيرنى معذبنى
انت اللى حاولت تشغلني
ومن قلبك تقربنى
وأما ملكتنى بحبك
تفوتنى لوحدى وتسيبنى
ليه بحبك تدوبنى
وبعد ما ألاقى ليا مكان
وبر امان
بغدر وقسوه تبعدنى
ماكنت معاك ......!
ماكنت معاك ......!
وكنت بادوب كتير فى هواك
وفرحه قلبى لما ألقاك
تكون متهنى وانا وياك
ودلوقتى .... بحاول أنساك
ماكنت معاك ........!
ماكنت معاك .....!
لكن ....! اعمل ايه ....!
جوابا ليك
احساس فى قلبى ومداريه
كل أما أحاول انى أنساك
أشوف حبك باين عليك
جوه فى عنيك
يناديني تانى ويناديك
والاقى صورتك قدامى ليه ...!
وتفيد بايه ......!
اشواقى ليك
وحنينى ليك
هايفيد بايه ......!
ذكريات كل اللى فات
واحلى فرحه فى عمرى
عدت من سكات
اجمل سنين ما بين اتنين
حب وحنين
قصتنا
كانت احلى قصه عاشقين
وسيرتنا
كانت فى الوجود مش كلمتين
ويفيد بايه .......!
بعد الجراح
بعد اللى راح
فى غمضة عين
فاكر زمان
وانا بين ايديك
كل السعاده
من جوه قلبك باينه فى عنيك
من بين شفايفك قولتلى
ايوه بحبك وهاموت عليك
ووعد منى ياكل عمرى
هافضل شاريك
لأ مش ناسيك
كنت بتاخدنى وانت فى حضنى
من نفسى
من نظره عنيك
وده كله فين ....!
بعد السنين ....
كله اتنسى بقه ذكريات
بعد اللى فات
بتاخدنى تانى
ومن زمانى تفكرنى بيك
ما كنت معاك .....!
وكنت بادوب كتير فى هواك
وفرحه قلبى لما ألقاك
تكون متهنى وانا وياك
ودلوقتى .... بحاول أنساك
ماكنت معاك ........!
.
.
.
.
بقلمى ------- عادل على
تعليقات
إرسال تعليق