قصائد قصيره ( 12 )*** بقلم السيدابوطاحون *********
قصائد قصيره ( 12 )*** بقلم السيدابوطاحون
*********
بحبك حب خلاني
اسيب نفسي واقعدلك
أبيع الورد من تاني
وكل الورد يشبهلك
لكن حضنك دا شيئ تاني
*بياع الورد
*********
الورد لما بيتكلم
بيقول كلام غير اى كلام
يا خساره قلبي بيتألم
حبيبي سابني وراح الشام
*كلام الورد
*********
وروحك تملا الصباح بالرضا
وتفتح قلوب الورود للندي
وتدعي لقلب الحبيب بالهدي
جمال الخيال ما بيضيع سدي
*صباح_الرضا
*********
وخوف ف الجوف يناديني
قالولي حبيبي راح يوصل
حلفت بربي و بديني
ما اسيبه تاني يوم يرحل
*لن تسافر
*********
تشرق يوم وتغرب
وشمعه بدمعه تكويني
تحب تدب تتكهرب
يدوب قلبي وشراييني
*دايب
*********
ولسه الحب بيبربش
لقيت الغلب ناداكا
وبرضو الحرب ماتضرش
مادام الكلب عاداك
*عشانك
*********
و ييجي الورد والورد ف ايديه
يخلي القلب يفتح له البيبان
وساعة قلبي ما يسلم عليه
يغير الورد من فيض الحنان
*غيرةالورد
*********
ونورك يلف البلاد ع العباد
يوزع جماله وخياله وماله
ويرجع محمل بكل الوداد
تقوله تعبت يقولك وماله
*وماله
*********
صباحك عدى يتعاجب
علي قلبي عمل واجب
وخلى البسمه تتلاعب
في حضن الشفه و الحاجب
*واجب
*********
الجمال هو جمالك
اسمعي قلبي ندالك
ياحبيبتي خللي بالك
وافتحي شباك خيالك
*نداءقلب
*********
صدقيني قلبي حبك
افتحي روحك و قلبك
من سنين مستني ردك
سبت نفسي وجيت لدربك
*صدقيني
*********
صباح النور يعدي السور
وقلبه بالجمال منصور
ومش كداب ولا مغرور
وديما سابق العصفور
*سابق
*********
يا ام العيون اشتكت
من كثرة الإعجاب
لو يوم عيونك بكت
تلاقي قلبي داب
*اعجاب
*********
#قصائد قصيره(12)
تعليقات
إرسال تعليق