كمــــــل فنجـــــــان الشــــــاى ........... عبيــــــــــر الجنــــــــــــــدي
كمــــــل فنجـــــــان الشــــــاى
...........
قاعد وعنيك ع الساعه أرجوك مش ناقصه هموم
هايموت ورق النعناعه وهاضيع ساعة ما تقوم
ياللى انت قمر جوايا تتحمل جرحى ازاى
خليك يا حبيبى معايا كمل فنجان الشاى
بصراحه غلبت معاك وهواك قايد فى الروح
لو جانى .. تانى هواك هايدوب قلبى المجروح
وهاعود لليالى زمان أنسى سنين الأحزان
ياللى انت قمر جوايا تتحمل جرحى ازاى
خليك يا حبيبى معايا كمل فنجان الشاى
ولا لىّ سواك يا حبيبى ولا عايزه فى يوم إلاك
لو شفتك يوم على بابى باعلن للدنيا هواك
واترجى عنيك تندهنى يا حبيبى الليل توهنى
ياللى انت قمر جوايا تتحمل جرحى ازاى
خليك يا حبيبى معايا كمل فنجان الشاى
:
عبيــــــــــر الجنــــــــــــــدي
تعليقات
إرسال تعليق