وده جاي يفرض ثقافته..........ياسر مهدي عمرو
وده جاي يفرض ثقافته
بكلامه الجميل الخرافه
واللهي ماناقصه ظرافته
من ثقله روحت القرافه
عايش ف الكرم يا بخته
ولا شوفنا غير الهيافه
عمال يعك ف غناوي
ويحكي وكثير الحكاوي
تقولش مدمن قهاوي
او حتي طبيبي المداوي
واللهي ياسيدي ما ناوي
ولا عندي م اللبس الايافه
والله انت وعقلك ده رايق
ولا عندك من شبه الحقايق
ولرغيك ماعدتش انا فايق
من وجعي ف همي شقايق
ولمشيك ف السكه وسايق
ولعيشه في الدنيا الخوافه
ياسايس ماتراعي المسار
وتبص يمينك وشمالك
وبعينك تشوف الانظار
ولاحد ف الدنيا جه شالك
بتصفر ف نهاية القطار
وبتجري ع السكه اللفافه
وده جاي يفرض ثقافته
ويقسم ف كلاب المدينه
بكلابه اديني عرفته
ف دماغه كتير ازعارينه
بيموت كلبي ببخفافته
وتنجس كلابه الجنينه
بيحفر ف حفره ويجري
وتجري كلابه علينا
وفرض غبائه بيهري
ويرجع من تاني يدوينا
طب سيبني يا كلبي وانا اجري
وتذوب السحابه فوقينا
وتفق ف الدنيا اسري
وتسير ف بحوري سفينه
ياسر مهدي عمرو
تعليقات
إرسال تعليق