بواقي الحلم ..بوح القلم
بواقي الحلم
بقلمي
بواقي الحلم مشتاقه
للملمة الشتات والكسر
وترجع تاني تتلاقي
علي جناح الامل والصبر
عشمها لسه ماليها
بذور الفرحه تحييها
بماء الصبر تسقيها
تنبت تاني فرح وزهر
وتخرج م المحن اقوي
علي كل الصعاب تقوي
وترقيها بكام رقوه
تطبطب ع الكتاف السمر
وابني الحلم من تاني
وتهرب مني احزاني
واقول لبواقي احلامي
بنيت منك عمار العمر
تعليقات
إرسال تعليق