مش كل من خاف م الحب سلم..........#نشوي_السحيمي#
مش كل من خاف م الحب سلم
لما دبح نبضه الجنين
فيه اللي قلبه من بعد توبته ندم
و ضهره انقسم من الحنين
فيه اللي داب في الغياب
و مالت روحه كما الناي الحزين
فيه اللي صلب عوده رغم الألم
رغم الضنا رغم عذاب السنين
و اللي جَلَب موت قلبه العاصي بيدُه
أكرم ما يندبح بجرح ناس تانيين
مين قال إن العشق راحة و دوا
و إن الجراح مسيرها تطيب
جوه براح حضن الحبيب
ده هو عز الوجع و أصل الأنين
زي نار الوحدة لما تنكتب ع الجبين
مش فارقة جبر و لا اختيار النصيب
الخلاصة يا خلق هوه يا عشمانين
هتطلعوا في الحالتين خسرانين
و ف كل الأحوال و الله مجروحين
تعليقات
إرسال تعليق