نظرة عيونك فيها سحر..........عﻻء رجب
نظرة عيونك فيها سحر
السحر فيها بيتحداني
من عينيك يرميني بسهم
وكأنه بسهم العشق رماني
إستقبلت السهم بقلبي
طلع السهم عﻻج أحزاني
ياللي سحرت القلب بنظره
بسحر فيها بيتحداني
أعلن وأشهد أن عيونك
قلبت عقلي وكل كياني
إستسلمت لسحر جمالك
روحي وعقلي هديه عشانك
زرعت الورد في قلبي رويته
ادخل واقطف من بستانك
خلي الورد بعطره يفوح
خليني اشمه بين احضانك
خلي القلب يغني ويفرح
مين في القلب يحل مكانك
قرب أكتر وإرمي سهامك
وما تحرمنيش من سهم حنانك
يا ابو العيون ورموشها السود
يا قمر وشايفه في احلى خدود
انت الليل في سكونه وحنانه
وانت نهاري بكل الوانه
أنت قمري في ليلي إن طال
ان جيت على بالي يبقا نهار
بحضورك هلت اﻻنوار
والليل بوجودك عمره ماطال
أنت نهاري وكل سنيني
إنت الشمس اللي تدفيني
وانت النهر اللي بيرويني
لمسة إيد النهر نجاه
نظره منه تساوي حياه
انا شوفته مره إذاي انساه
وسحر إيه اللي أتحداه
إستسلمت وقولت فداه
خاطف نظري وروحي معاه
عﻻء رجب
تعليقات
إرسال تعليق