هو إنتي إزاي كده ؟...بقلم ..!#نشوي_السحيمي#

هو إنتي إزاي كده ؟!

إزاي مكفرتيش بالصبر مع إن عمرك ما دوقتي بعده الفرج..

إزاي متمردتيش علي الوجع مع إنه عشش في كل ركن في روحك زي العنكبوت لحد ما طفاكي..

إزاي مسلمتيش لضعفك برغم وفائه و إخلاصه ليكي طول الوقت و استقويتي بيه ..

إزاي فضلتي حلوة أوي كده من جوه برغم كل جراحك و لساكي أرق و أحن و أطيب مخلوقة في الدنيا.. 

إزاي قادرة تقوي و تسعدي كل اللي حواليكي و إنتي أتعس قلب هَش علي الهلاك رماكي ..

#حب_ربنا_و_دعوة_أمي

#نشوي_السحيمي#