ولسه بحبك يامصر...بقلم المبدعه / شويكار محمود
ولسه بحبك يامصر
كان نفسى أعيش وأسكن فى قصر
أو فى شقه جوه حاره
أصلى اتولدت فى عيشه ضنك
ع الرصيف مرسوم سريرى
وتحت الكباري هناك مكانى
وبتاع ضرايب بدفتره داير
مايسيبنى نايم
وﻷقرب قسم يجرنى جر
أدفع ضريبة نومك
وكمان سكوتك
ما تعلى صوتك
وبيع هدومك
وأرحل وهاجر
وأكتب شهادة عدم رجوعك
اللعنة وراك
مش سايباك
هتموت غريق فى بحر عميق
مليان حيتان
أصل الغلابه ساكنين قبور
ومش هتفرق تكون معاهم
أو غريق جوة البحور
ها أموت غريق
أو تحت عجلات سكة حديد
فى قطر جاى من الصعيد
ها أفضل أحبك
وأقول يامصر
بقلمى / شويكار محمود
تعليقات
إرسال تعليق