يعني إيه العيد سعيد
يعني إيه العيد سعيد
يعني فرحه قلب واحد
لما يرجع وسط أهله
بعد ما كان وحيد
فرحه أبن احتاج أبوه
عينه تحلم اه يشوفوه
نفسه يلقي حضن ابوه
اللي متغرب بعيد
ايوه صح يبقي عيد
•••••••••
بس ايه معناه دا عيد
•••••••••
لما تبقي قلوبنا نايمه
حتي عين الأمه عاميه
عن جهاد الحق صايمه
سايبه في الظلم يزيد
هو دا بالذمه عيد
•••••••••
للي عايش بين دمار
عيده كان وسط الحصار
فرحته ساقيه المرار
مانعه إنه يكون سعيد
يبقي دا بالذمه عيد
•••••••••
شيء أكيد
فرحه العيد هي لمه
بيت وعيله ليها همه
بس قولولي بذمه
معني فرحه يوم العيد
•••••••••
فرحه اللمه الجميله
لمه تجمع كل عيله
الحياه بقت تقيله
والعيد مبقاش سعيد
فين حلاوه كل عيد
•••••••••
ناس وغاليه بنا راحت
بين قلوبنا ذكره فاتت
حتي يوم العيد ماماتت
نفتكرهم يوم العيد
هو لازم يبقي عيد
••••••••••
ايوه لازم احنا نفرح
دي الحياه بهمومها تجرح
بكره يوم احولنا تصلح
ويبقي طول العمر عيد
هو دا اللي اسمه عيد...،عيد سعيد...
تعليقات
إرسال تعليق