وليه
بقلم / نجلاء عبدالهادي
وليه البدايات احلي
وفيها اللهفه بزياده
وفيها الشوق بيخطفنا
بشكل غريب فوق العاده
بنسرح بالخيال فتره
ونرسم صوره معتاده
نلونها بكام فرشه
نغير شكلها الساده
نوزع فيها احلامنا
وافراحنا وكام غاده
وجوه الصوره نتخيل
مكان خطاوينا بيعلم
وايدكم ماسكه بايدينا
بتحضنها وتتكلم
بتوعدها بامان وسلام
وبتطلعها فوق سلم
مقارب للسما الصافيه
وعند النجمه بتسلم
وتحكي للقمر حكايات
ويسمع ليها يتبسم
وبعد الحكي ييجي سكات
ولحظة حزن نتالم
ونصحي م الخيال ونفوق
علي واقع غير الصوره
وكل الحبر صار مدلوق
ونلقي الصوره مكسوره
وبندور علي الاحلام
في كل جزء في الصوره
نجمعها ما تتجمع
نلمعها ما تتلمع
خلاص الحبر شوهها
ورجعت روحي مقهوره
تعليقات
إرسال تعليق