أحبك يا مصر -----------بقلم الشاعرة جهاد محمود كامل Gardiana Elnil ديسمبر 2016
بانوراما
أحبك يا مصر
-----------
يامصر العظيمة يا بلدى الحبيبة
احبك و اسمك غنايا يا طيبة
و نور السلام فى ليلنا البعيد
يا حضن الشهيد و ام الوليد
بحبك صبية جميلة و عفية
بداها التاريخ بهاجر و سارة
يا أجمل بهية عيونها سهارى
أحبك منارة و كلمة حضارة
بحبك يا مصر يا راية و نصر
أحبك اميرة يا حلوة و جميلة
بلدى و أصيلة و ضمة و عيلة
فى كل عصر
يا محلى عيونك هما ولادك
حلوة و جميلة يا بلدى و أصيلة
و نيلك يصونك و واديه حصونك
ساقيين تربك حافظين عهودك
بحب فى كلامك أنادى باسمك
أحبك فى جامع كنيسة و شارع
و لمة حبايب
فى ضى المراكب و نسمة عصارى
و موجة تشاغب
و أسمع غناك و أكتب ملامحك
احبك غرام و برج الحمام
و أروى تاريخك لإبنك و بنتك
أكتب حبيبتى مصر السلام
غنوة حمام أقولها بغرام
يقوى عزيمتك يا مصر تمام
فى قلبى سلام و روحى مودة
يا صابرة و شايلة الهموم للممات
و نبضة حنان و هات لى
العروسة يا راكب حصان
ربيع مصر هل هاتلى الحصان
احبك بقولها يا مصر بحبك
حضن و ضلة فى لحظة سكات
دا حبك مالينى عزيمة و ثبات
بناك الجدود أميرة فى شبابك
و نورك ساقينى من المعجزات
دا هرمك و نيلك و هولك آيات
يا مصر العروبة و لمة الشتات
دى بنتك فى جرحك تطيب الامك
و نورك و فرحك آيات من كتابك
لا عمرك يغير فى ريحة ترابك
جنودك اسود تصون المدينة
و لا الظلم يقدر يكدر سماكى
يا أم المداين فسطاط و سينا
و قلعة صلاح و منك نبينا
بهاجر زواجه كحل عنينا
و سيف المظفر كتب أسامينا
بلوحة شرف و من عهد مينا
و تحمى حدود بلدنا العظيمة
بحبك يا مصرى يا روحى و دمى
بحبك يا مصر يا روحى و دمى
فى كل عصر إسمك دا أمى
أحبك حمامةتطير فى العلالى
مصر يا غالية يا بدر الليالى
أحبك يا مصر يا مالكة بيانى
و احبك عروسة بحنة إيديكى
و نقشة حروفها تنور عنيكى
يا أرضى و هرمى و ليلى و سمرى
و عشقك ملامحى يا فرحة أمالى
و غنوة تصالحنى تنسينى همى
أحبك فى حرفى تكونى لى آية
و أعشق ترابك دا كحل الصبايا
و نيلك دا نبضى ريى و دوايا
و إبنك حبيبى أصل الحكايا
أحبك .. أحبك .. أحبك يا مصر
و راية و علم يجدد ميلاى
بحبك يا مصر يا حضنى و سكنى
دا حبك علامة و سكة سلامة
بيرسم ملامحك بوش الزمن
يا أصل الحضارة فدادين منارة
تاريخها غناوى بشارع و حارة
يا بلد الأمان و عطر الزمن
أحبك غناوى بتحيى فؤادى
بغنوة ولادى بلادى بلادى
هنا موجة تقسم لك
بحبك سفينة تكيد الاعادى
بحبك مصر و عروبة
بحبك خطوة محسوبة
تعدينى على برك
اروح و أتملى من حسنك
و اناديكى و ابوس خدك
و راية النصر تشهدلك
يا ام الدنيا يا حبيبة
و محروسة من الازمات
يا مصر دا عود محبينك
بيعزف لحن من نيلك
ماحد ف يوم باع و لا خان
و تانية تقول مواويلك
و ننسى آهات
---
بطبلة معاها زمارة
و ناى و الدف و أمارة
بنات عاشقة و محتارة
تزف شهيدك الغالى
و تصنع م الدموع شربات
----
من الفيوم لراس التين
اسودك و الله متعاهدين
على القمة و كلامهم زين
نشيدهم حلوة الحلوات
-----
بقلم الشاعرة جهاد محمود كامل
يا نور الامة يا عظيمة
يا بحر حنان و صوت طيبة
من الهكسوس و شعب يهود
تاريخك يروى م البطولات
كتير حكايات
-----
و يا ريتنا نعود أطفال
و عودنا للصبا رحال
و يرمينا الهوا ببابك
و نستشهد فدا ترابك
مش مرة لكن مرات
-------
جاردى
Gardiana Elnil
ديسمبر 2016
تعليقات
إرسال تعليق