*** بـاع وخــان -------------------[مبروك البنا]----

*** بـاع وخــان

---------------

* بـيـن ليالي الأُنـس وهـمس الظلال

عـايـش يا قـلبـي في دُنـيـا من خيـال

لما كان الصـدق هـو حـبـل الوصـال

بـاع وخـان والوصال اصبـح مُـحـال

*قـبل ما تعـلـن ضياع قـلبـي ووفـاته

قـولـي إزاي قـلبـي يـنسـي زكـرياتـه

واللا ينسـي أحلي أحـلامه ف حيـاتـه

ولا قـطـر العُـمـر اللي عـدي وفـاتـه

*إنـسي يا روحي ايـامي اللي راحـوا

وانسي يا قلبي عـذاب حبي وجراحه

يا اللي كان نورك لقلبي من صلاحه

ازاي قـلبـي يـطيـر من غـير جـناحه

*كُـل اللي بتمنـاه يا روحي لو دقيقـه

اطـفـي نـار حُـبي واعــرف الحقيقـه

قول لي فيـن راحت أحـلامنا الرقيقـه

واللا قـلبك تـاه عـني وضـل طـريقـه

* اتهني يا قلبي بالوحده بقيت فاضي

نسيت النـوم والضحكـه بقَت مـاضي

يا ظالم قلبي مين خـلاك عليه قاضي

ياظالـم روح وانا قلبي عـليك راضي

*يا جارح قلبي سامحني ملكـش أمان

دوس علي قلبي ادبحني كمان وكمان

ما بين حُـبك واشـواقي بحـور أحزان

قـلبي حـَبـك وانت قـلبـك بـاع وخـان

*بعـد ما ضـاع يا قـلبي منـك الأمـان

نـفسـي أهـرب منـي حـتـي م الزمـان

نـفسي أهـرب مِـنـه حـتـي م المـكـان

نفسي أعرف ليه يا قلبي بـاع وخــان

 -----------[مبروك البنا]-----------