سي السيد.......ياسر مهدي عمرو
سي السيد
معلش عشان مصلحتي
انا هحكي ليكو وجعتي
مليانه الدينا معاني
واديها كتير وجعاني
وان قولت ف يوم اه ياني
تديني كمان وتزود
مانا اصلي ماليش ف الطيب
والناس الوحشه تعيب
فكرت ف يوم اتغيب
لقيت العقل مفوت
تعبان واللهي يا امي
ولامته اشكيلك همي
واللون الاسمر دمي
محروق والجسم اتلود
عطشان للميه الصافيه
وان جاتنا ف يوم بالعافيه
ف رمال الصحره الدافيه
راح اكتب بالدم واجود
راح اقول حياكي بلادي
وابدر ف الارض سمادي
والخضره تعم الوادي
ويقولو بايد سي السيد
ياسر مهدي عمرو
تعليقات
إرسال تعليق