كاس الجنه......بقلمى يوسف ونيس مجلع ايطاليا بريشي
بقلمى يوسف ونيس مجلع ايطاليا بريشيا
اصدقائى الاحباء اطيب التهانى بعيد الام اجمل الاعياد كلمة بالعاميه بعنوان كاس الجنه
امى يا حضن الامان -- و نعيم وهبه المنان
يا كاس من الجنه مليان -- بحب و دايب فى حنان
مهما اشرب واقول رويان -- قلبك يقولى كمان
---------------------------------------------
ياصرح عالى لحمانا ------ ياطرح خير فى منانا
يا فرح مالى دنيانا ------- يا اول همس فى ندانا
حضنك فرشنا وغطانا -- عطفك عرشنا وهنانا
---------------------------------------------
فى عنية ضى رسمك ---- قبل مايرمش رمشى
واغنية قلبى اسمك ------- قبل ما اعرف امشى
ياما حنان فى همسك –---- طبطب وقال معلشى
---------------------------------------------
محلا الود فى انسك -------- جماله ما يتوصفش
مهما نعد فى محاسنك ----- نلاقيها ما بتخلصش
در الكلام فى وصفك ----- رخيص ما بيعبرش
بقلمى يوسف ونيس مجلع
تعليقات
إرسال تعليق