انا مش رسول ..بقلم المبدعه../ هدى سيد
قصيدة ( انا مش رسول )
بقلمى / هدى سيد
٢٠١٦/٧/٣١
انا مش رسول ولانبى
ولا الاستقامة مذهبى
انا مش معصوم من الخطأ
ساعات كتير بكدب انا
يمكن هروب من مشكلة
ما انا اصل يعنى مش
الصديق
ابو بكر صاحب النبى
شخصيتى متلخبطة
متشكلة
ماهيش قويمة محددة
باعرف اعامل ده و ده
لكنى مش بالف وش
ومش باتلون او باغش
انا كل ما فى المسألة
مش عايز اخسر اى حد
انا جد جد مع اللى جد
و الود ابادله بالف ود
بصيت لنفسى ف المراية
كرهتها
ضاع منى ياما كتيير حاجات
رجعت شريط الذكرياااااات
فيه طفل كان جوايا ماااات
وبراءة اتدبحت من سكااااات
على ناس كتيييير نويت
ادوس
علشان اكون فوق فى
السمااااااا
واطعنهم بسلاح الامان
ويا الحنان
قلبى قسي ايوه قسي كتير
ونسي
ان العيون اللى اتسببت
ف دمعها
كنت زماااان باطلب حنانها
وودها
وانى رميت همومى يامااا
ف قلبها
دلوقتى بقيت سبب ف كسرة
قلبها
وحزنها ودمعها ويأسها
وبؤسها
والمفترض انى اكون وقت
الشدايد والمحن
قال ايه سندها وضهرهاااا
ازاى انا بقيت كده ومبسوط
وراضى عن كده
انا صحيح ما انيش
رسول ولا نبى
لكنى من بنى البشر
والتوبة مخصوصة لنا
بنى البشر
تعليقات
إرسال تعليق