لسه الحنين موجود =============احمد طلبه
لسه الحنين موجود
=============
لسه الحنين موجود
لسه الفراق بيوجع
رغم انه مش موجود
افتكره عيني تدمع
رغم اني مش فارقه معاه
مرتاحه ولا صحيح ضحيه
هعتبره ماضي من الحياه
ماعرفش معني المسؤليه
ماعرفش معني الأحتواء
لقلب كان صابر عشانه
أظن إن من الغباء
أشحت واتحايل حنانه
رغم إني مش فارقه معاه
بسكت وأكتم وجعي فيا
سوء إختيار متقبلاه
ولا حد له دعوه بيا
رغم اني مش فارقه معاه
مرتاحه ولا صحيح ضحيه
هعتبره ماضي من الحياه
ماعرفش معني المسؤليه
==================
أوقات بيبقالي السكوت
أحسنلي من وجع الكلام
بهرب من اللي أنا فيه بموت
واكتم أنا فيا وانام
علشان احس بإن روحي
قدرت تداوي الجرح فيا
ياخساره صبحتلي طموحي
إن انسا حد عزيز عليا
محتاجه وقت عشان أفوق
وأحس إني حد تاني
محتاجه فتره من الهدوء
أبدء معاها عمر تاني
وكفايا ضاع عمري لرضاه
كفايه وجع الصدمة ديا
غلطه إني مشيت وراه
غلطه دي كل الطيبه فيا
رغم اني مش فارقه معاه
مرتاحه ولا صحيح ضحيه
هعتبره ماضي من الحياه
ماعرفش معني المسؤليه
==================
احمد طلبه
تعليقات
إرسال تعليق