قصيدة باللهجة العامية ... بعنوان ... شوفوا الغيمة ...ملك محمود الأصفر
قصيدة باللهجة العامية ...
بعنوان ... شوفوا الغيمة ...
.....................................
شوفوا الغيمة رشت مية ع الأرض العطشانة
وضحكتلا زهرات الوادي اللي كانت غفيانة
والحقلة شربت مياتا واهتزت ريانة
والعصفورة الحلوة رقصت زقزقت هيمانة
.............................
شوفوا الغيمة عم بتهطل تسقي أرض بلادي
ضحكتلا كل الخلايق والسهل والوادي
فرح النهر وجد بسيرو صار يهدر ب زيادة
واهتزت شجرات الحقل الفرح عليها بادي
..............................
حبات المطر الحلوة عم تنده نوار
متل اللآلئ عم تنزل على شباك الدار
شربت وردات جنينتنا وعليت ع الأسوار
والدنيا صارت فرحانة وعم تنشد أشعار
...................................................
ملك محمود الأصفر
تعليقات
إرسال تعليق