لساك حبلى في العبيد .............. ( علي فراج )
لساك حبلى في العبيد
يوم ميلادك أصبح كئيب
ياشمس طارحه عناقيد
عمري إنطفي وزاد النحيب
مين لسه في عيونه عيد
ومين النهارده إسمه سعيد
فرح القلوب أصبح فريد
سجده في جامع
وقت الضيق والمنافع
دقوا أجراس الصليب
يمكن بالوضوء نطيب
نشبع بتمرة وحليب
لما الجوع فينا يصيب
ريحك ملوث
عيشك مسوس
أمنك حبيس
ياعرس العريس
انصب صوان التعازي
زفوا بهيه عالغريب
ياسين معتش الحبيب
إعلن وفاته يا نجيب
يوم ماكفرت بحبه بهيه
زفوا عتريس عالصبيه
حان آذان المغربيه
إفطر وكتر القبر نور
صلوا التراويح للفجريه
أصل النصيب لازم يصيب
الموت مقدر والقدر قريب
سكوت مفسر علي إيد طبيب
لكنه شاعرقلبه أخضر خصيب
الكلمة عيب والناس تهيب
م الأسامي وسمو المعالي
إنما التفاني وإن كان لهيب
ملوش نصيب في دم العبيد
عمري إنطفي وزاد النحيب
مين لسه في عيونه عيد
ومين النهارده إسمه سعيد
..............
( علي فراج )
تعليقات
إرسال تعليق