زهره الوادى.....حمدى احمد

زهره الوادى

طال الزمان علينا 

والدمع صبر مر فى عينينا 

ياضحكه طفل 

بتنور جبين الكون 

يا قلب اخضر 

يا صدر حنون 

طال الزمان 

والعمر والايام بتدور

حبيبتى يا زهره الوادى 

يا لهفه ام بتنادى 

على الاحباب على الخلان 

على الابن اللى طعم الغربه مر عليه 

على الابن اللى شايل دمعته فى عينه 

بينادى بلده واحبابه وضى عينيه 

يقول بلدى

منايا فرحتى دارى 

وامى وجارى واسرارى

حمدى احمد