أصبر يا أبوالعيال *************سمر علي
أصبر يا أبوالعيال
*************
عملولك تمثال
من زمرد من رخام
و بمية الدهب
رسمولك صورة ألوان
قالوا فيك أشعار
عمل مشاريع رخص اسعار
الفلوس كتير و الصحه عال
لا ساب حد جاع
ولا فقير عريان
شكرا يا أبو العيال
بتتعب وتلاقي
فقر وهددت حيل
شد حيلك يا جدع
لسه المشوار طويل
ازرع و اتعب واشقي
اوع تغفلك عين
اصبر شويا كمان
يا نور عينانا
يا طيب يا اصيل
كله فدا البلد
ما انتو شايفين الحال
شدوا كمان الحزام
مش مهم ناكل
مش مهم نلبس
تموت العيال
المهم الكبار
اللي معاهم فلوس
و ع الفقير دوس
و احنا فين نروح
مالنا غير الرحمن
اصبر يا ابو العيال
ما انت طول عمرك حمال
يمكن يجي يوم
و يعملولك زيه تمثال
سمر علي
تعليقات
إرسال تعليق