جفاف الحنين ______.إحساس حسن الشوان
_____ جفاف الحنين ______
بعد ما مرت الأيام والسنين
وعلي وشك جفاف الحنين
جاتلي رسالة بدون عنوان
فتحتها لقيت فيها كلمتين
بقدم إعتذاري بكل الألوان
المسامح كريم للي بيصون
للي بيخاف علي لحظة حنان
ضحكتك مبقاش ليها رنين
ومقابلتك هرب منها الإشتياق
الورد علي غصنه مات حزين
والشجر هجرته كل الأوراق
من كتر ظلمك للفل والياسمين
البستان وروده بقت أشواك
النسيان دوة لقلوب المجروحين
وجي دلوقت ندمان علي الفراق
وتصحي جوايا من تاني الأنين
وتشعلل فيا دموووع الجراح
اللي سالت بغزارة علي الخدين
وعشت حياتي مكسور الجناح
لا فيه رحمة بقلبي المسكين
ولا كلمة عطف فيها إرتياح
إشرب جمالك ودلالك بكاسين
وعيش حياتك وذكرياتك سواح
سقيتني المرار بغدرك الدفين
وجاي دلوقت بتتمني السماح
مالكش عندي خاطر بأي لون
وتعيش محروم من الأفراح
خلاص في قلبي جف الحنين
وأتمنالك تدوق مر عمايلك ببراح
.........إحساس حسن الشوان .........
تعليقات
إرسال تعليق