يهمني جدا انها تقرألي......ياسر مهدي عمرو
يهمني جدا انها تقرألي
مع انها مش شيفاني
بكتب لها من افكاري
وهي ابدا مش حساني
مايهمنيش انها تقربلي
او ان عيونها يكونو جراني
يهمني بس انها تعرفني
وتقول ف مره انها تهواني
تشوفها عيني تقول سهرانه
ليالي فكر ف حب هوانا
اسمع كلام والحيره تاخدني
ارجع الاقي الهجر دوانا
تملي بكتب فيها بحبك
تملي روحي ترفرف جنبك
تملي فكري ياخدني لظنك
واشوف نجوم الليل شيفانه
بتاخدني ظنوني ف فرحك
بلاقي ان وجودي ف جرحك
ابعد واقول الله بيسامحك
والاقي نفسي انا مش هامك
مايهمكيش هجري وجرحي
مايهمكيش حتي انك فرحي
مايهمكيش حتي بعادك
ولا ان صورتك هي ملامحي
ياسر مهدي عمرو
تعليقات
إرسال تعليق