حمودة المطيرى يكتب :- ( خربانه...... خربانه )
حمودة المطيرى يكتب :-
( خربانه...... خربانه )
........................
يا ما قلت يا دنيا احلويتى
وهتبقي دايمـــا عمــرانـه
قــالت لى اطلع من بيـتى
كده كده أنا أصلا خربانه
وحلفت يـا دنيا بحياتى
ما ليـــــا قعـاد فيكى تـانى
وهجـرت أهلى ومـراتى
ورحت مسافر ف ثـوانى
قررت أسافر أبوسمـــبل
وأشـــــوف آثـــار متخبيـه
صادفتنى جره فيها قنبل
ساكنهــــــا واحــده جنيــه
وقالت لى تسمح يا حمــو
تــــــدينى لقمــه جعانـــــه
رمسيسكو سابنى عند أمه
ودى ست عجوزه وكحيانه
فطيت نطيت بره الحفـره
ولقيت رمسيس كان قدامى
كلمنى كلام كان بالشفره
خـــلانى نسيت كل أحلامى
من كتــر خوفى اتشليت
قـــــــاعد لوحدى وبأغنى
لا دقت طبيخ بره البيت
ولا حـــــد كان يسأل عنى
يـــا دنيــــــا سيبك منيا
واديهــــا نظـــــــره لبناتى
يوماتى باطبخ ملوخيه
علشــــانك أوفـــر قرشاتى
الدنيــــــــــا إدتنى قفاها
وانــــــا اللى عايش وياها
من كتر غلبي يا ناس أصبحت
نــــــــــازل أعدد فى أساها
ورجعت تـــــانى لبناتى
مبســـوط باغنى أبجد هوز
وفوجئت بالست مراتى
حلفــــــت طلاق أنا هاجوز
يا شيخ قم شوف لك كم سرحة
وسيـــــب لغتنـــــا العربـية
وان كان مفيش ..إلبس طرحة
إن شاء الله تدوسك عربية
وسافرت تانى لاحزانى
لجــــل أعيش عيشه هنيه
المـــر دقتـــــه بلسانى
وعشــقت عيشة العزوبيه
قــاعد باعلم ف عيالك
يا دنيـــا دول كانوا بهايم
الكـــل عايز راس مالك
وقليبي أصبح فيكى هايم
ملعون أبوكى يا دنيتنا
بكيتى زوجــتى وبنـــاتى
وحرمتى أهلى وحتتنا
يـــــلاقوا عندك كفنـاتى
غلطان يا صاحبي يـا متسرع
فكر براحتك واعقلهــا
حتى الحمار بقي بيشرع
وهيجيب درفها ويقفلهـا
شعر / حمودة سعيد محمود
الشهير بحمودة المطيري
4�!� ��2
تعليقات
إرسال تعليق