عتابنا نشرة أخبار من ديوان/ ضى نهار للشاعر/ مصطفى فريد
عتابنا نشرة أخبار
من ديوان/ ضى نهار
للشاعر/ مصطفى فريد
.................
زمان خالص ٠٠
ولما كنا نتعاتب
يادوب كان العتاب بينا
يرجعنا بلمسة إيد
وكلمة حب تنقلنا
وتزرع فينا همس جديد
ولما خرجنا بيه بره
وسيبنا الناس بقت حره
تعيد وتزيد فى أخبارنا
لقينا كل شيء فينا
بيرفضنا
وبح من الخصام صوتنا
فى غمضة عين
سمحنا لنفسنا نبكى
ونشكى لغيرنا اوجاعنا
كنا زمان بنتحمل
قساوة بعض ونكمل
ومين اللي حسد حالنا
وغير رحلة الأيام
زعل وخصام
يا دمعة قلبنا الميت
فى ليل ضلمة
بلاش الرقص ع السلم
مالوش معنى
يا إما تنزلى وتنشف مدامعنا
يا إما تطلعى بالروح
وروحنا هناك هتجمعنا
تعليقات
إرسال تعليق