منديل ورق... من ديوان / ضى نهار  للشاعر / مصطفى فريد



منديل ورق...
من ديوان / ضى نهار 
للشاعر / مصطفى فريد
...........
الكل دايما يحسدك
يوم ما ترسم ع الشفايف
بالمجاملة ضحكتك
وانت شايل ألف آهة ٠٠
جوه منك تألمك
ماحد شايف دمعتك
ولا حد حاسس رعشتك
كان برد أو قسوة حبيب
خان إللى باقى فى دنيتك
وبكل قسوة سلمك
للفكر ولدمعة عنيك
هى الوحيدة فى كلهم
وقفت معاك٠٠
خافت عليك ٠٠
نزلت عشانك ٠٠
ع الخد لاجل تونسك
وأنت بتشيلها بمحبه
وطبطبة بمنديل ورق

تعليقات

المشاركات الشائعة من هذه المدونة

.....((( وصانى أبويا )))............... *الأديب الشاعر / أشرف فؤاد السمادونى

يـــاقــــــدس ...... بقلم الشاعر...سعد عكلة آل دور