هو ده حال الدنيا
الكل منها تعبان
ده هى دى فانيه
سيبها على الرحمن
ولاتحمل قبك
احزان مالها مكان
سبح كمان واسجد
وادعى وقول يامنان
وكمان لو مصحف
فايدك وقول قرآن
حيرتاح كده قلبك
وتقول كمان وكمان
ليه احنا بس نركز
بس مع الاحزان
صدقنى يامؤمن
دى وزه من الشيطان
بيقلل متعتنا
بحياتنا والانسان
دايما على طول قلقان
والفرح طاب راح فين
واولادك واهلك فين
دول هم سر الكون
وسعاده فى الدارين
فى دنيتك موجودين
دايما عليهم العين
اياك اتخلى شيطانك
يبات قرير العين
احرق دايما دمه
ده اصله كمان رجيم
خرج من رحمة ربه
وعينه عليك يامسكين
ح تحقق له مراده
وتكون من الملاعين
ده هو ده اللى عاوزه
دايما يخليك حزين
صلى واشكر ربك
انك انسان ومن طين
وقول يارب اغفر
ماتكنش من العاصيين
مع تحياتى/راوية حسن
تعليقات
إرسال تعليق