مين حضرتك... بقلم...قطب زيد
مين حضرتك...
بقلم...قطب زيد
......................
هو أنت مين حضرتك
عشان تحرمنى طلتك
حتى اسأل شمعتك
أيام كنت فى وحدتك
وكمان اسأل ضحكتك
وأنت بتدارى دمعتك
وكمان تغير سكتك
وهى تشكى لخطوتك
ليه ياقاسى بزمتك
تبعد وتزود أسوتك
هو أنت نسيت حضرتك
مش كان حبك هو فكرتك
وكان حبى هو فرصتك
هى دى كانت أخرتك
تهرب وتغير سكتك
خلاص تنسى فرحتك
وتروح وتبيع محبتك
وعشرةعمر ومعزتك
أنامسامح أسوتك
وأبدا مش ناسى كلمتك
أنا ياعمرى روحى حبتك
وعشان غيرت سكتك
هسيبك لغيرى يعلمك
يمكن تفوق حضرتك
قطب زيد
تعليقات
إرسال تعليق