*** أيها السيد المسؤول *** بقلم...عبدالله العزالى
*** أيها السيد المسؤول ***
بقلم...عبدالله العزالى
...................
ومنين اجيب عقل يفسرلى
كلام عجب بيوجعنى
ومن وجعى أقول الآه
يرد المسؤول ويقول
اشجينى
ميكنش الآه منى بتسعده
وتعب قلبى فرحته
هو انا بقسم معاه لقمته
ولا سكنت معاه فى فلته
ولا فى يوم طالبت بمهيه
زى مهيته
دنا غلبان فى وطنى
بقول الآه من وجعى
وبدل مايطبطب عليا
وه حقى
لأن لبسه من عندى
وعربيته على حساب اهلى
يغلى عليا كهربتى
ويقولى طفى لمبتك
وعيش الظلام فى دنيتك
طالما مش قادر يافقير تدفع
طيب مهو انت سبب فقرى
بجهلك بأحوال شعبك
تصرف فى اللى مش مطلوب
ولما نقول دا غريب ياتضحك
ياتقول الحبس مكان اهلك
أقول الآه ولا اسكت
تعبت يناس من عقلى
لابيفسر ولا بيقول
خايف من السيد المسؤول
وبعد القول انا بقول
السكات لى احسن
==========
عبدالله العزالى
تعليقات
إرسال تعليق