انا لو هكتب .....بقلم / نجلاء عبدالهادي
انا لو هكتب
بقلمي
انا لو هكتب
عمري ما هقدر الحق حرفك
عمري ما هعرف اوصف وصفك
اصل حروفي وقلمي ونظمي
لسه ما صابهم تعاويذ سحرك
انا راح اجيك اتعلم منك
الفن باءن حتي الياءن
واما اتلخبط اجري واقولك
تمسك ايدي ونبض وريدي
وتعلمني كلام فاكتبلك
واما اكتبلك المح فرحة
نظرة عين مبسوطه وطارحه
طارحه سنابل حب بتصحي
يوم ورا يوم تكبر وتعبر
يملا حروفها اللون الاخضر
لون بيفرح كل غيطانها
والزقزقه بتقول وتكرر
محلا مشاعر فوق السطر
زي البكره لما تكر
تفضل تطول لما تكعبل
كل ايدينا في لحظه بعمر
واما الدفا يسرح في وريدنا
نسمع نبض القلب بيعلا
دم دم تك تك وسط الضله
وسط حيطان الدنيا العاليه
يعمل صدي بيردد حب
غنوة جميله بترعش قلب
قلب وقلب وصبحم قلب
مشيوا سوا علي نفس الدرب
ياه من حرفك علم حرفي
ازاي يرسم حلم بوصفي
ازاي يحكي مشاعر حلوه
ما انت سحرت بسحرك نظمي
بقلم / نجلاء عبدالهادي
تعليقات
إرسال تعليق