*********( قبل ماقابلك)********* بقلم/حسين ابراهيم

*********( قبل ماقابلك)*********

بقلم/حسين ابراهيم

أنا

قبل ماقابلك كنت بجري الأيام...

وبأقول للوقت

يا وقت عدي قوام..

كنت عايش بين الناس

من غير إحساس

وأساس

عايش غربتي جوايا

صاحي في ليل الأحزان

مش لاقي حضن أرمي فيه نفسي

أحس معاه بأمان..

دلوقتي!!!!

لما قابلتك

بأقول للوقت أستني

وعمري

بأحسبه بالثانيه..

حسيت وياكي بأماني

وصالحت بيكي زماني

وهاحقق بيكي أمالي..

ولقيت الحضن الدافي

وفي عينيكي النبع الصافي..

دلوقتي..

بأنام في عيونك

وأتغطي بظل جفونك..

وعرفت بيكي الأحلام...