قطفةشعر.. من(زورق الليل) بقلم/جمال خضور

 قطفةشعر.. من(زورق الليل)

بقلم/جمال خضور

....................

"منمنمات من خوابي المحكي"

_ 1_

مَرّْ الحلو..

مِنْ هونْ..

وعرفتو منْ الخَطْوة..

لو دَقْ بابْ البيِيتْ..

وقَلْْي مشْتَقْلِكْ..

ماكانْ…!!!..

هالزَنْبَقْ بِكي..

ولانْسيتْ عَ النارْ..

رَكْوةْ القَهوة..

______________________

/2/

قَبْلِ الشَّمسْ..

ماتْفيقْ..

افْتَحتْ..

دَرْفِة الشِبّاكْ..

الصبحْ بكّيرْ..

هالحلو يِمْرَقْ..

وعْيونوا تِرمي..

شْباكْ..

ياهَوىٰ المَجْنونْ..

إلَكْ وردة..

قِدّْامْ هالشِبّْاكْ..

لوتِنْهي..

الطَّريقْ...

______________________

/3 /

اسْكَبْتي الهوى..

بْ فنْجانْ قَهوة..

وقلتِ: تَ بَصْرْلَكْ..

جايي إلكْ دَعْوة..

منْ قلبْ مشْتَقْلَكْ..

صوَرْ وحروفْ..

عَ حيطانْ هالفنجانْ..

مَرْسومة..

اتْطَلَّعْ وشوفْ..

قَدْيشْ اتلْاقي..

حكي مكتوبْ..

بعيوني…

سوريا/جمال خضور