مغلق لتقصير الوطن في الرد
أنا قلبي كان مفتوح مدى الأيام
و ما كانشي يقفل حتى يوم الحد
يا حبيبتي أما بعد
كنا بنعرف أمنى نوفي الوعد
لما تبان في العين ملامحنا
ما أحنا اللي كنا بنخفي في جراحنا
و نقول ما دومنا بخير
نمشي و بنكمل
و السكة تحت الرجل تتحمل
تقل السنين ع الكتف
و رجلي شيلاني
صبرت أحزاني
و قلت عشقك فرض
كنا سوا و لبعض
بس الجفا طول
و الخطوة لما تزل
السكة بتميل
علشان ما أحسش
بإنكسار روحي
فبلاش تروحي الفجر ع الدكان
قفلوا المكان بالضبة و المفتاح
و السكة كانت كلها أتراح
و اليافتة رغم الغلق بتنور
أنا تحت روحي لسه و بأدور
جايز ألاقي سكة جواكي
أحس فيها براحة زي زمان .
ابراهيم مصطفى
باط
باط
تعليقات
إرسال تعليق