(( كان حلم ))الفيلســـــــوف العاشـــــــــــــــق حســــــــن هاشــــــم 15 فبراير 2018
(( كان حلم ))
وف ليله من الأيام
جت صورته أُدَّامي
عشت الفرحه والأحلام
والله وحلوت أيَّامي
سنين عايش
مستني جواب
او كلمه
وراها عتاب
او نظره
من الأحباب
ترَجّعْ بيها أيَّامي
سنين عدت
بلهفه وشوق
وامتىٰ
يقرب المكتوب
واشفها
واقفه أُدَّامي
سنين ضايع
مع الأوهام
سنين بحلم
بكل مكان
مشينا فيه
انا وقلبي
أتاري ده حلم
ومش ممكن
ترجع تاني أيَّامي
وفلحظه
صحيت
انا وقلبي
من حلم جميل
لاقيت نبضي
بيقول مواويل
أتاري الحلم
أجمل
من أي حقيقه
وكان نفسي
يطول الحلم
حتى...ٰ ولو دقيقه
الفيلســـــــوف العاشـــــــــــــــق
حســــــــن هاشــــــم
15 فبراير 2018
تعليقات
إرسال تعليق