يا واد عايش ومش رايق.............أحمد عبدالقادر
يا واد عايش ومش رايق
وشايل هم مش همك
وليه مخنوق ومضايق
وليه م الخوف نشف دمك
ما كنت زمان كده عايق
وكان الفرح...بيهمك
وكان سقف الجريد عالي
وكان حبك هنا أمك
هقولك كلمه وإنساني
بقالها سنين ع لساني
مدام انت اللي بتعاني
ما..حتلاقي أخوك يمك
ما ربك يا ابني رازقنا
ومستوره وعال العال
وخايف ليه من بكره
وشايل حمل تقل جبال
سيبك بس م الدينا وما فيها
وصلي وصوم وخد حسنات
وخبيها اكيد ربك هيقضيها
هيقضيها نخاف من الفقر
بس ازاي دا ربك رازق النمله
في حضن الجحر وحاميها
أحمد عبدالقادر
تعليقات
إرسال تعليق