ليه م الحقيقه بتهربي .......بقلم / الطير المهاجر علاء عبده.
قرار
خواطر قلم
ليه م الحقيقه بتهربي
واجهي خوفك و قرري
لحبك تعلني
ايه تاني ممكن تخسري
العمر فات و الفرصه جات
ليه بتسبيها و تهربي
امسكي في جبك بالقوي
غمضي عينك و احلمي
و ارجعي من عمرك سنه بسنه
لما كنتي صغيره
و القلب دق من نظره اولى
و كلمه حلوه حنينه
و أول جواب من كلمه واحده
و فرحتك بأول هديه
فاكره الضفاير و الفيونكه
و العيون فيها كحله
و الكسوف لما بان ع الخدود
شبه الورده النديه
فاكره يا زينة الصبايا و لا ناسيه
لما كنتي بتحلمي ف يوم تكبري
و اما كبرتي م الحقيقه بتهربي
خوفتي لحبك تعلني
و تواجهي نفسك بحب صادفك
ليه غاويه تعيشي دور الضحيه و تسلمي
بقلم / الطير المهاجر
علاء عبده.
تعليقات
إرسال تعليق