....لية يا بلدنا....للشاعر رمضان البربري
ويوصل بينا الحال يا بلدنا
إن الخطوة تكون بحساب
مالك بس يا حظ ومالنا
كل ما نمشي بتقفل باب
حتي الرزق وأكل عيالنا
بأة ع القد وعيشة سراب
فين الكترة فين البركة
فين الخير وفين الحركة
كل ما نمشي نلاقي عاركة
فيها الهم أحدث ماركة
والغم فيها واقف ع الباب
لية يا بلدنا بتشيلي وتحطي
وبتضربي فينا وتنطي
ولما نحط إيدينا عليكي
ذي القرموط تفوتينا وتفطي
ذي الكورة فينا تشوطي
ولما تهدي ف لحظة تظطي
لية يا بلدنا بتشيلي آسية
لية معدشي فيكي حنية
لية بأيتي كدة مفترية
وفاردة قلوعك ومستقوية
خفي الحمل علينا شوية
إحنا ولادك يا امة بهية
تعليقات
إرسال تعليق