يا ترامب صابك العمى..........بقلمي. أمل صلاح

يا ترامب صابك العمى

لجل المعونة تذلنا

تاخد بالغصب. أرضنا

عشان تهادي المجرمين

طب هو يرضي ربنا

بتكيلوا ليه بمكيالين

مالك ومال المسلمين

ياللي مالكش أي دين

أحلف بألف وميت يمين

تخطيط ومعمول من سنين

علشان تكونوا مهيمنين

يا ترامب صابك الجنان

والأمريكان تشهد كمان

كل الشعوب بتقول حرام

القدس دي مش للئام

معروفة من قبل الزمان

وإن الصهاينة إلى زوال

ياللي أنت راعي للسلام

قتل الضحايا كان سلام؟

ودمار بلادنا في عرفكم هو السلام؟

لو هو دا كان السلام؟

يبقى على الدنيا السلام

يبقى على الدنيا السلام

قادر إلهي يعزنا ويذلكم

ويرفع رايتنا في السما ويهدكم

************************

بقلمي. أمل صلاح