ماتبصليش.. #الشاعرة_دينالطفي
ماتبصليش..
لحسن أروح عندك ماجيش..
والكلام الحلو يخرج من عنيا
والقصيدة ماتنتهيش.
ماتبصليش..
سيبني أخرج من قصيدتي
دي بسلامة وبأمان
خايفه أضعف خايفه يظهر
شوق عليا أو يبان ..
سيبني لحسن أتلبخلك..
شعري ياخد معني تاني..
ولا عشقي ليك يخوني
كلمة تفلت من لساني..
سيبني أقول الشعر يمكن ألقي
بحر أرسي فيه..
ولا قافيه أأتمنها بسر قلبي
وتداريه..
ياللي قلبك نص فارق
بقرأ فيه أنا كل يوم..
ياللي وشك دا بجماله
مستحيل قدامه أصوم ..
مش مهم انك تسلم
لو قابلتك
آستخبي..
داري عينك مني داري
لا أتفتن بك حبه حبه..
خايفه أسرح جوه عينك
خايفه أبص عليك
أتوه..
خايفة أوهم نفسي انك ملك
قلبي فيحسدوه ..
ياحلاوة قلبي لما مني يسرح
في إبتسامتك ..
ياللي يوميا بتحلي
وقلبي بتشده بوسامتك..
ياللي قلبك مش معايا
ياللي نفسي فيك أعيش..
عندي عزري و الف داعي لما أقول
ماتبصليش ..
تعليقات
إرسال تعليق