حلاوة روح ....بقلم / نجلاء عبدالهادي
حلاوة روح
بقلمي
حلاوة روح
وضحكه خارجه تتوجع
تعاند صوتي المبحوح
تعاند دمعه محبوسه
لا هي نازله ولا بتروح
ولا بتنطق تقول مالها
ولا بتبوح
حلاوة روح
معاها القلب بيفرفر
وخارجه مني تتغرغر
وبتكرر
انا المدبوح
وبنزف هم بالكيله
يا طول ليله
بتخرج مني فيها الروح
رجيتها تسامح الدنيا
وناس خاينه
وناس تانيه
وناس فانيه
وناس بتروح
قالتلي خلاص انا مسامحه
قلوب جارحه
وباستثناء طاعن روحي
ومنزف دمي المسفوح
بقلم / نجلاء عبدالهادي
تعليقات
إرسال تعليق