همسات جاردى و العيسوى عبرة الروح.......بقلم الشاعر طارق العيسوى و جهاد نوار Gardiana elnil 17 اكتوبر 2016
همسات
جاردى و العيسوى
عبرة الروح
------------
ولسة القلب بيعانى
وعزة نفسى منعانى
ياكلمة طالعة بمعانى
باقولها وانت سمعانى
حروفها وحى ربانى
بنبض ارواحنا هجانى
واتكلم يفيض شهدك
ومش هسكت
ولو اسكت راح اندهلك
تجاوبينى بصدا همسك
واتخيل حنين لمسك
تتوه منى .. اسامينا
وهندور على مينا
هنرسى عليها بسفينة
فيها من كل زوج اتنين
انا وانت ياضى العين
كطير ووليفه يحكينا
وتحكى الدمعه مآسينا
نبينا يانوح عدينا
لبر النوح وخلينا
بعبرة نبوح وتهدينا
لسر الروح وترضينا
عساها الذكرى تروينا
وجوة الفكرة تبقينا
-----
طارق
شمس النيل
--------
و لسة القلب بيعانى
يا روح الروح
نبض القلب فيك فانى
منين ما تروح
يا ذكرى جميلة تهوانى
بسرى تبوح
تعالى نغنى موالى
و ننسى جروح
أنا العاشقة لمعشوقى
و كلى طموح
أنا التايهة فى احلامى
بسفينة نوح
أنا الكلمة بصدى
همسك
و شوق مسموح
جاردى
----
انا السابح بمسبحتى
انا العاشق لمعشوقتى
انا السهران وكلى جروح
انا التايه فى سهد الروح
انا انسان كله طموح
ببات فرحان وانا الممسوح
طارق
جاردى
إمام العشق
قلب أمير هواه
مسموح
يبات فرحان و مش
ممسوح
و عشقك ليا كله
طموح
يا روح الروح
و تسبيحك لأورادى
كتاب مفتوح
و سهد الليل بيحكينا
و يمحى النوح
و ترانيمك بأشواقك
هنا بتبوح
بعشق جميل لوجه
صبوح
------
بحبك قلبى صار مينا
لموج النيل
و شوقى إليك يسهرنى
يا أحلى خليل
و تسبيحك كما الناسك
ف عشقى جميل
و كل ما أتوب يرجعنى
و قلبى عليل
نروح على دنيا تسقينا
الهنا مواويل
قتلنا الشوق و جوانا
ألف دليل
يا أسمر و الهوا طبعك
لشمس النيل
و كحلة عينى و الضلة
و قمر الليل
فارس و اصيل
جاردى
بقلم الشاعر طارق العيسوى
و جهاد نوار
Gardiana elnil
17 اكتوبر 2016
تعليقات
إرسال تعليق