(((مغرور))) بقلم / مايسه العشى

(((مغرور))) بقلمى / مايسه العشى

انا مش مغرور ده انا انسان مقهور

شفت الدنيا بلون وحلمت بلون

وبنيت لى امانى وبيوت من نور

وطلعت بحلمى فوق السور

ورسمت ورود وشجر وزهور

واتاري الدنيا ظلام وبحور

بتمد ايديك تغرق على طول

انا مش مغرور انا بس بحاول

اعلى لفوق واكون انسان

واحقق حلمى المخنوق ويا الايام

انا بس بداري شجونى والمى

وادفن احزانى جوه ضلوعى

وبخاف اهرب من يومى

وامسى وحلمى المبتور

بفرح وياك اضحك لعنيك

وانا المكسور

وبحاول ابنى بيوت وقصور

وسافرت كتير ويا الاحلام

وسط الاوهام وشعاع من نور

تاهت ايامى ضاع منى الحلم

وبقيت مقهور وتعبت كتير

واحتارت معاك واحتار الشوق

ووجعنى انينى فركنت الحلم

جنب السور

وطلعت لفوق...وبقيت مغرور..